අප ගැන
භාණ්ඩාගාරයේ ලේකම්
කේ.එම්.මහින්ද සිරිවර්ධන මහතා
1948 නිදහසින් පසු ශ්‍රී ලංකාව පෙර නොවූ විරූ ආකාරයේ ගැඹුරු සහ සංකීර්ණ ආර්ථික අර්බුදයකට මුහුණ දෙමින් සිටින අවස්ථාවේ දී, එවක ශ්‍රී ලංකා ජනාධිපතිවරයාගේ ඉල්ලීම පරිදි, කේ.එම්. මහින්ද සිරිවර්ධන මහතා 2022 අප්‍රේල් 8 වන දින භාණ්ඩාගාරයේ සහ එවකට මුදල්, ආර්ථික ස්ථායිකරණ සහ ජාතික ප්‍රතිපත්ති අමාත්‍යාංශයේ ලේකම්වරයා ලෙස වැඩ භාර ගන්නා ලදී. එතැන් සිට, ශ්‍රී ලංකාවේ පසුව පත් වූ ජනාධිපතිවරුන් දෙදෙනා විසින් ම ඔහුව දෙවරක් එම තනතුරට නැවත පත් කරන ලදී.
ඒ මහතා 2020 පෙබරවාරි මාසයේ සිට ශ්‍රී ලංකා මහ බැංකුවේ (CBSL) නියෝජ්‍ය අධිපතිවරයෙකු ලෙස කටයුතු කළ අතර 2024 අප්‍රේල් දක්වා ඉහත තනතුරට නිදහස් කර ඇති අතර එහිදී ඔහු CBSL වෙතින් විශ්‍රාම ගන්නා ලදී. ඔහු 1991 වර්ෂයේ දී CBSL හා සම්බන්ධ වූ අතර බැංකුවේ වසර 33 කට අධික සේවා කාලයක් සහිත ය.
ශ්‍රී ලංකා මහ බැංකුවේ නියෝජ්‍ය අධිපතිවරයෙකු ලෙස, ඒ මහතා CBSL හි ආර්ථික පර්යේෂණ, ජාත්‍යන්තර මෙහෙයුම්, දේශීය මෙහෙයුම්, රාජ්‍ය ණය, සංඛ්‍යාලේඛන, කලාපීය සංවර්ධනය, මානව සම්පත්, අවදානම් කළමනාකරණය, මුදල් සහ සන්නිවේදනය ඇතුළු දෙපාර්තමේන්තු ගණනාවක් අධීක්ෂණය කරන ලදී. නියෝජ්‍ය අධිපතිවරයෙකු ලෙස පත්වීමට පෙර, ඒ මහතා විසින් ශ්‍රී ලංකා මහ බැංකුවේ සහකාර අධිපති සහ CBSL හි ආර්ථික පර්යේෂණ දෙපාර්තමේන්තුවේ අධ්‍යක්ෂ යන ප්‍රධාන තනතුරු හොබවන ලදී.
සිරිවර්ධන මහතා 2017 වසරේ ජූලි මාසයේ සිට 2019 වසරේ ඔක්තෝම්බර් මාසය දක්වා ජාත්‍යන්තර මූල්‍ය අරමුදලේ ඉන්දියාව, ශ්‍රී ලංකාව, බංග්ලාදේශය සහ භූතානය සඳහා විකල්ප විධායක අධ්‍යක්ෂ ලෙස කටයුතු කිරීමට ශ්‍රී ලංකා මහ බැංකු සේවයෙන් මුදා හරින ලදී.
ඒ මහතා 2010 ඔක්තෝබර් මස සිට 2015 අප්‍රේල් මාසය දක්වා මුදල් අමාත්‍යංශය වෙත මුදා හරින ලද අතර එහි රාජ්‍ය මූල්‍ය දෙපාර්තමේන්තුවේ අධ්‍යක්ෂ ජනරාල් ලෙස ද ජාතික සැලසුම් දෙපාර්තමේන්තුවේ අතිරේක අධ්‍යක්ෂ ජනරාල් ලෙස ද කටයුතු කර ඇත.
සිරිවර්ධන මහතා ශ්‍රී ලංකා මහ බැංකුවේ මුදල් මණ්ඩලයේ සිටි නිල සාමාජිකයෙකු ලෙස 2022 අප්‍රේල් සිට 2023 සැප්තැම්බර් මස මැද භාගය වන තෙක් සේවය කරන ලදී. වර්තමානයේ ඔහු මුදල් කොමිෂන් සභාවේ සාමාජිකයෙකු වශයෙන් සහ තිරසාර සංවර්ධන කවුන්සිලයේ සභාපතිවරයා ලෙස ද කටයුතු කරනු ලබයි. ඔහු මුදල් ප්‍රතිපත්ති කමිටුවේ සහ වෙළඳපල මෙහෙයුම් කමිටුවේ සභාපතිවරයා ලෙස මෙන්ම මහ බැංකුවේ ආයතනික කළමනාකරණ කමිටුවේ (CMC) සාමාජිකයෙකු ලෙසද කටයුතු කර ඇත. සිරිවර්ධන මහතා අමාත්‍ය මණ්ඩලය විසින් පත් කරන ලද රජයේ විශේෂ ස්ථාවර ප්‍රසම්පාදන කමිටු කිහිපයක (SSCAPC) සාමාජිකයෙකු ලෙස කටයුතු කර ඇත. සිරිවර්ධන මහතා ලංකා බැංකුව, කොමර්ෂල් බැංකුව, ජාතික ඉතිරි කිරීමේ බැංකුව, ශ්රීබ ලංකා වරාය අධිකාරිය, ශ්‍රී ලංකා ආයෝජන මණ්ඩලය, ශ්‍රී ලංකා අපනයන ණය රක්ෂණ සංස්ථාව සහ ශ්‍රී ලංකා වෘත්තීය පුහුණු අධිකාරිය ඇතුළු ආයතන ගණනාවක අධ්‍යක්ෂ මණ්ඩල සාමාජිකයකු/භාණ්ඩාගාර නියෝජිතයෙකු ලෙස සේවය කර ඇත.
සිරිවර්ධන මහතා ඇමරිකා එක්සත් ජනපදයේ වැන්ඩබිල්ට් (Vanderbilt University) විශ්ව විද්‍යාලයෙන් ආර්ථික විද්‍යාව පිළිබඳ ශාස්ත්‍රපති උපාධියක් සහ ආර්ථික සංවර්ධනය පිළිබඳ පශ්චාත් උපාධි ඩිප්ලෝමාවක් ලබාගෙන ඇති අතර කැලණිය විශ්ව විද්‍යාලයෙන් ආර්ථික විද්‍යාව පිළිබඳ ශාස්ත්‍රවේදී විශේෂ උපාධියක් ලබා ඇත. සිරිවර්ධන මහතා සාර්ව ආර්ථික කළමනාකරණය, සාර්ව ආර්ථික පුරෝකථනය, මුදල් ප්‍රතිපත්තිය හා ක්‍රියාත්මක කිරීම, මහ බැංකුකරණය, රාජ්‍ය මූල්‍ය කළමනාකරණය, රාජ්‍ය ණය කළමනාකරණය හා මූල්‍ය වැඩසටහන්කරණය සහ ප්‍රතිපත්ති යනාදී ක්ෂේත්‍රයන්හි ජාත්‍යන්තර පුහුණුකරණ වැඩසටහන් ගණනාවකට සහභාගී වී තිබේ. ඒ මහතා විවිධ පර්යේෂණ ප්‍රකාශනවල ලිපි කිහිපයක් පළ කර ඇත.