අප ගැන
විෂය පථය සහ කාර්යය
විෂය පථය
සාර්ව ආර්ථික ප්‍රතිපත්ති, වාර්‍ෂික අයවැය සහ විසර්ජන පනත්, රාජ්‍ය මූල්‍ය කළමනාකරණය, දේශීය හා විදේශීය ඉතුරුම් සහ ආයෝජන, රාජ්‍ය ණය, බැංකු, මූල්‍ය සහ රක්‍ෂණ ක්‍රියාකාරකම්, ජාත්‍යන්තර මූල්‍ය සහයෝගීතාවය සහ සමාජ ආරක්‍ෂණ සහ ආර්ථික සංවර්ධන ක්‍රියාකාරකම් මෙහෙයවීම සම්බන්ධයෙන් වගකීම්.
විෂයයන් සහ කාර්යයන්
- 1. රජය විසින් ක්‍රියාත්මක කරන ලද ජාතික ප්‍රතිපත්ති මත පදනම්ව සහ “සෞභාග්‍යයේ දැක්ම” ප්‍රතිපත්ති ප්‍රකාශනයට අනුකූලව “ජනතා කේන්ද්‍රීය ආර්ථිකයක්” නිර්මාණය කිරීම සඳහා , අදාළ රාජ්‍ය අමාත්‍යාංශවලට ප්‍රතිපත්ති මාර්ගෝපදේශ සැපයීම සහ නියමිත නීති, පනත් සහ ආඥාපනත්වලට අනුකූලව මුදල් විෂයට අදාළ ප්‍රතිපත්ති සකස් කිරීම, ජාතික අයවැය, රාජ්‍ය ආයෝජන සහ ජාතික සංවර්ධන වැඩසටහන යටතේ ව්‍යාපෘති ක්‍රියාත්මක කිරීම සහ පහත සඳහන් දෙපාර්තමේන්තු, රාජ්‍ය සංස්ථා සහ ව්‍යවස්ථාපිත ආයතන යටතේ ඇති විෂයයන් සහ කාර්යයන්ට අදාළ ප්‍රතිපත්ති, වැඩසටහන් සහ ව්‍යාපෘති සකස් කිරීම, ක්‍රියාත්මක කිරීම, අධීක්ෂණය කිරීම සහ ඇගයීම.
- 2. දරිද්‍රතාවය තුරන් කිරීම සහ ආර්ථික පුනර්ජීවනය සඳහා ජනාධිපති කාර්ය සාධක බලකාය හරහා සියලු අමාත්‍යාංශ සමඟ සම්බන්ධීකරණයෙන් සංවර්ධන කටයුතු මෙහෙයවීමට පහසුකම් සැලසීම.
-
-
විශේෂ ප්‍රමුඛතා
- 1. ආදායම් විෂමතා අවම කරමින් සහ සියලුම පළාත් ආවරණය කරමින් සැමට ප්‍රතිලාභ බෙදා හරින තිරසාර, ඉහළ
- ආර්ථික වර්ධන වේගයක් ස්ථාපිත කිරීම.
- 2. අඩු ආදායම්ලාභීන්ට ප්‍රමුඛත්වය දෙමින් විරැකියාව අවම කිරීම සහ ප්‍රාග්ධන ආදායම ඉහළ නැංවීම.
- 3. වාර්‍ෂික සාමාන්‍ය උද්ධමන අනුපාතිකය අඩු මට්ටමක පවත්වා ගනිමින් මිල ස්ථායිතාව සහතික කිරීම.
- 4. අයවැය හිඟය සහ රාජ්‍ය ණය අඩු කිරීම මගින් රාජ්‍ය ආදායම් ප්‍රතිපත්තිවල අවිනිශ්චිතතා අවම කිරීම.
- 5. ණය පොලී අනුපාතිකය අඩු මට්ටමක පවත්වා ගනිමින් මූල්‍ය සම්පත් සහ ආර්ථික අවශ්‍යතා පුළුල් කිරීම.
- 6. රුපියලේ විනිමය අගය ස්ථාවර මට්ටමක පවත්වා ගැනීම සහතික කිරීම සඳහා පොලී අනුපාත, මූල්‍ය සහ ගෙවුම් ශේෂ
- ප්‍රතිපත්ති ස්ථාවර කිරීම.
- 7. දේශීය නිෂ්පාදනය ප්‍රවර්ධනය කිරීම, අඩු ආදායම්ලාභීන් බලගැන්වීම සහ ආයෝජන දිරිගැන්වීම සඳහා පියවර හඳුන්වා
- දීම.
- 8. සාමාන්‍ය ජනතාවට ප්‍රතිලාභ සැලසෙන පරිදි දේශීය ව්‍යාපාරික ප්‍රජාව සඳහා ව්‍යාපාරික පරිසරය පුළුල් කිරීම.
- 9. රාජ්‍ය ව්‍යවසායන් ශක්තිමත් කිරීම.
- 10. රාජ්‍ය ආදායම සහ වියදම් කාර්‍යක්‍ෂමව කළමනාකරණය කිරීම සඳහා අවශ්‍ය ආයතනික ව්‍යුහය ශක්තිමත් කිරීම.