පෑලියගොඩ නව මැනිං වෙළෙඳ සංකීර්ණයේ RDB සේවා මධ්‍යස්ථානය රාජ්‍ය අමාත්‍ය ශෙහාන් සේමසිංහ මහතාගේ සුරතින් විවෘත කෙරේ
පෑලියගොඩ නව මැනිං වෙළෙඳ සංකීර්ණයේ ස්ථාපනය කරන ලද ප්‍රාදේශීය සංවර්ධන බැංකුවේ සේවා මධ්‍යස්ථානය රාජ්‍ය අමාත්‍ය ශෙහාන් සේමසිංහ මහතා අතින් අද (15) විවෘත කෙරිණි. වෙළෙඳ මහතුන්ගේ සහ පාරිභෝගික ජනතාවගේ පහසුව සඳහා ස්වයංක්‍රීය මුදල් ලබා ගැනීමේ (ATM) සහ මුදල් බැර කිරීමේ (CDM) පහසුකම් ද මෙම බැංකු ශාඛාව සතු ය. මීට අමතරව ලීසිං පහසුකම් සැපයීම ඇතුළු සංවර්ධන බැංකුවක සියලු සේවා කටයුතු මෙම ශාඛාව මගින් සිදු කෙරේ.
රාජ්‍ය අමාත්‍යාංශයේ අතිරේක ලේකම් චමින්ද කළුආරච්චි මහතා ඇතුළු අමාත්‍යාංශ නියෝජිත පිරිසක් ද ප්‍රාදේශීය සංවර්ධන බැංකුවේ සභාපති මහින්ද සාලිය, සාමාන්‍යාධිකාරි දමිතා රත්නායක යන මහත්ම මහත්මීහු ද මෙම අවස්ථාවට එක් වූහ.
මාධ්‍ය ඒකකය,
සමෘද්ධි, ගෘහ ආර්ථික, ක්ෂුද්‍ර මූල්‍ය,
ස්වයං රැකියා හා ව්‍යාපාර සංවර්ධන රාජ්‍ය අමාත්‍යාංශය
